Әйелдер партиясы құрылуы мүмкін бе?
Сенат спикері Дариға Назарбаева 2020 жылдан бастап әйелдер мәселесімен шындап айналыспақ. Спикер мұны журналистермен кездескенде айтты.
Астана, NEGE. «Келесі жылы біз жеті рет парламент тыңдауын өткіземіз. Мен әйелдер күші Альянсы мүшелерімен кездестім. Өте қызықты талқылау болды. Әйелдер мәселесін заңдық тұрғыда реттеу, 45 жастан кейін әйелдерді дискриминация жасау жайы сөз болды. Бізде еркектер 45 жастан асқан әйелдерді кәрі санайды екен. Оларға тіпті банктер несие де бермейді. Мен гендерлік теңдікті сақтау, отбасылық-тұрмыстық, неке қатынастары, әйелдің қоғамдағы, отбасындағы, компаниядағы орны жөнінде тыңдау өткізуді ұсындым» деді Дариға Назарбаева.
