Әйелдер неге ұзақ жасайды?
Дания мен Нидерланд ғалымдары ерлер мен әйел адамдардың өмір сүру ұзақтығының әртүрлі болуының себебін түсіндірді. Мамандардың зерттеуі бойынша, әйелдер ерлерге қарағанда орта есеппен екі жыл ұзақ өмір сүреді, деп жазды The Conversation.
Алматы, NEGE. Солтүстік Америка мен Еуропада 1950-2015 жылдар аралығында 50-ден 85 жасқа дейінгі әйелдер мен ер адамдардың өмір сүру ұзақтығына талдау жасады. 1950 жылы ер адамдардың әйелдерге қарағанда 2,5 жасқа аз өмір сүргені, ал 1980 жылы 4,5 жылға аз өмір сүргені белгілі болды. 2015 жылға қарай айырмашылық төмендеп, шамамен екі жылға жеткен. Ғалымдардың пікірінше, әйелдер мен ерлердің өмір сүру ұзақтығындағы айырмашылық темекі шегуге байланысты. «Темекіні ең бірінші ерлер шекті. Одан кейін әйел адамдар да бұл әрекетке үйір бола бастағанда ғалымдар темекінің зиянын анықтады. Сондықтан өмір сүрудегі айырмашылық соңғы жылдары төмендеп келеді», – деді ғалымдар.
