Әйелдер көп қылмыс жасаған
Алаяқтардан айла-шарғы артылған ба? Әлеуметтік желі арқылы жұрттың сеніміне кірген қызылордалық тұрғын «Whats App» арқылы салымшыларды тақырға отырғызып кетті.
Алматы, NEGE. Ол жалған жобаларды жарнамалап тұрғындарға үстемеақы ала-алатындай сенімге енген. Яғни, салымы арқылы үстінен 60 пайыз табыс табамыз, деген азаматтар жиғандарын жалған жобаның есеп-шотына аударып жіберген.
Заңға қайшы ісі анықталған алаяқ ҚР Қылмыстық кодексінің 190-бабы 3-бөлігінің 4-тармағымен кінәлі деп танылып, қалалық сот үкімімен 3 жылға бас бостандығынан айырылды. Биылғы жылы мұндай ғаламтор алаяқтығының 189 дерегі анықталған.
Келесі кейіпкер жұмыссыз жандарды Атыраудағы мұнай компанияларына жұмысқа тұрғызамын деп алдаған. Осылайша, «Теңіз-Шевройл» ЖШС-да жұмыс бар, деген оған бірнеше азамат үш жарым миллионға жуық қаржыларын қолына ұстатқан.
«Оның жәбірленушілерге келтірілген жалпы шығын көлемі 3 454 200 тенгені құрады. Жедел-іздестіру шараларының нәтижесінде Қызылорда қаласының 34 жастағы тұрғыны тұтқындалып, кінәсін толығымен мойындады. Қызылорда қалалық сотының үкімі негізінде айыпталушыға 2 жыл мерзімге бас бостандығынан айыру жазасы тағайындалды. Сонымен қатар, сот жәбірленушіге келтірілген шығынды заңмен белгіленген тәртіппен өтеуді міндеттеді», – деді облыстық Полиция департаментінің баспасөз қызметі.
Баспасөз қызметінің дерегінде, жыл басынан бері алаяқтықпен тұтылған 242 қылмыскердің 160 нәзік жандылар көрінеді.
Нұрбек Дәуренбеков