Айдын Рахымбаев Ресейден келген этникалық қазақтарға жатақханалардан орын тауып бермекші
BI Group басшысы Айдын Рахымбаев Ресейден келген этникалық қазақтарға (әскери жастағы) Астана мен Атыраудағы жатақханалардан орын беріп, тамақпен қамтамасыз етуге уәде берді.
Алматы, NEGE. Ол бұл туралы өзінің әлеуметтік желілердегі парақшаларында хабарлады.
"Қандас бауырлар! Соңғы күндері көрші елде болған жағдайлар бізге де ауыр тиіп жатыр. Мобилизация деген сұмдық нәрсе ғой.. Әсіресе Орынбор, Омбы, Астрахан өңірлеріндегі майданға жүздеген қазақ бауырларымызды да алып кетіп жатыр екен. Жасын да, кәрісін де. Обал-ай... Кеткендердің көбісі аман келмейтіні анық қой.
Сондықтан біз жігіттермен келген әскер жасындағы қазақтарға Астана, Атыраудағы жатақханалардан орын мен тамағын беріп, көмектесейік деп шештік. Елге қарай жетсе болды ғой. Ағайындар, қазір сөз бен дау көп, бірақ көп дауласпай, өзіміздің қарапайым қазақтарымызды құтқарып қалайықшы..
Осындай жағдайларда бір-бірімізге қолдау көрсетпесек, қашан және кім көрсетеді", - деп жазды Айдын Рахымбаев.