АИ-92 бензині арзандай ма?
Энергетика министрі Болат Ақшолақов Қазақстандағы жанармай құю бекеттерінде АИ-92 бензині бағасын ұстап тұру үшін қандай жұмыстар істеліп жатқанын айтты.
Алматы, NEGE. «Керісінше, біз АИ-92 маркалы бензин бағасының тұрақтылығын ұстап тұрмыз. Қазіргі міндет – сол бағаны сақтап қалу. АИ-92 бағасы 182 теңгеден бастап, кейбір өңірлер 187 теңгеге белгілеуге мәжбүр болды. Себебін түсіндірейін. Мысалы, ШҚО, бұл өңір мұнай өңдеу зауыттарынан шалғай орналасқан. Яғни бензинді жеткізу тек автовоздармен жүзеге асырылады. Теміржол қатынасы жоқ. Сондықтан жекелеген өңірлерде АИ-92 бензині бағасын 187 теңгеге дейін көтеруге келістік», - деді Болат Ақшолақов.
Министр АИ92-бензинінің құнын төмендету қазір қажет емес екендігін атап өтті. Керісінше, қазір осы бағаны ұстап қалу маңызды.
