Ағылшын ақсүйектері кімнің есебінен өмір сүреді?
«Принц Гарри мен Меган Маркл тұрып жатқан Англиядағы қымбыт үй Қазақстандағы даулы уран ісіне қатысы бар канадалық миллиардер Фрэнк Гистраға тиесілі», – деп жазады Daily Mail басылымы.
Алматы, NEGE. Құны 14 млн доллар тұратын үйде ақсүйек әулеттің өкілдері уақытша тұрып жатыр. Гарри мен Меган жеке шаңырақ боп тұңғыш жаңа жылын қарсы алған аталмыш үйді оларға тегін тұра тұруы үшін канадалық магнаттың өзі берген екен.
«Клинтондар қорын» басқаратын Фрэнк Гистра 2005 жылы сол кездегі Америка президенті Билл Клинтонмен бірге Қазақстанға келіп, қазақ жерінде уран байытумен айналысатын UrAsia компаниясын құруға келісім-шарт жасасты. Кейін ол компания ресейлік Росатомға қарасты халықаралық Uranium One компаниясымен бірікті. Бұл жағдайдан кейін, бір жылдан соң Фрэнк Гистра «Клинтондар қорына» қайырымдылық ретінде 31,3 млн доллар аударды.
