Ағаштарды кескені үшін Қарағандыда аудан әкімінің орынбасарына сөгіс жарияланды
Қарағанды облысы Қазыбек би ауданы әкімінің орынбасары Мақсұт Қожановқа ағаштарды кескені үшін сөгіс жарияланды, деп хабарлады «Патриот».
Алматы, NEGE. «Ағаштарды кесу дерегі бойынша жүргізілген қызметтік тексерулерден кейін Қазыбек би ауданы әкімінің орынбасарына сөгіс жарияланды. Қазыбек би ауданы әкімдігіндегі аталмыш мәселеге жауапты маман жұмыстан шығарылды», - деп хабарлады қала әкімдігінің баспасөз қызметінен.
Басылым атап өткендей, бұл әкім орынбасарының биыл жазда алып отырған екінші сөгісі. 24 шілдеде Қарағанды әкімі Ермағанбек Бөлекпаев Қожанов пен аудан әкімі Эльдар Дүйсетаевқа саябақтар мен басқа да қоғамдық жерлердегі гүлдердің барлығы гүлдемегені үшін сөгіс берген еді.