Адам өлтірген күдіктілер ұсталды
Жаркентте 39 жастағы ер адамды өлтірді деген күдікпен екі азамат ұсталды, - деп хабарлайды Tengrinews.kz.
Алматы, NEGE. "2021 жылғы 3 қаңтарда Панфилов ауданының полиция бөліміне Жаркент қаласында ер адамның мәйіті табылғаны туралы хабарлама келіп түсті. Оған оқ атылған. Оқиға орнына барған жедел-тергеу тобы қайтыс болған адамның кім екенін анықтады. Ол жергілікті тұрғын, 39 жастағы азамат М. болып шықты. Қазір қылмыс ашылды. Жаркент қаласының екі тұрғыны күдікті ретінде ұсталды. Ер адамдар танысын жеке мәселесі бойынша өлтіргенін мойындады. Олардың айтқаны мұқият тексеріледі. Екеуі қамауға алынды", - делінген ведомствоның хабарламасында.
Қазір ҚР ҚК 99-бабы 2-бөлігі 7-тармағы бойынша тиісті сараптамалар тағайындала отырып, сотқа дейінгі тергеу басталды.