Адам қаққан қыз қамауға түсті
Бүгін Алматыдағы Розыбакиев көшесінің бойындағы ойын-сауық орталықтарының бірінің маңында 27 жастағы қыз көлігімен адам қағып кетті. Sputniknews сайтының жазуынша, рөлдегі қыз мас болған.
Алматы. NEGE. Куәгерлердің сөзіне қарағанда, Розыбакиев көшесінің бойымен оңтүстікке қарай келе жатқан көлік әлдебір себептермен жолдың жиегіне шығып кетіп, жүргіншіні қаққан. Жаяу адам сол жерде көз жұмды.
Алматы қалалық полиция департаменті баспасөз қызметі көлік иесінің қамауға алынғанын хабарлады. Қазір ол уақытша ұстау абақтысында отыр. Адам өлген жол апатына байланысты ҚР Қылмыстық кодексінің 345-бабы бойынша іс қозғалды.