«Adal» партиясы қызметін тоқтатты
Adal партиясы өз қызметін тоқтатты. Бұл туралы Әділет министрлігінің баспасөз қызметі хабарлады.
Алматы, NEGE. Азаматтық кодекстің 45-бабына сәйкес 2022 жылғы 20 желтоқсанда «AMANAT» партиясы» қоғамдық бірлестігіне қосылу жолымен қайта ұйымдастыруға байланысты «ADAL» саяси партиясы» қоғамдық бірлестігі қызметінің тоқтатылуын тіркеу жүргізілді.
«ADAL» саяси партиясы» қоғамдық бірлестігінің 2022 жылғы 17 наурыздағы № 2 кезекстен тыс съездінің хаттамасы, «AMANAT» партиясы» қоғамдық бірлестігінің 2022 жылғы 26 сәуірдегі кезектен тыс ХХІІІ съездінің хаттамасы заңды тұлға қызметінің тоқтатылуын тіркеуге негіз болған.
2022 жылғы 26 желтоқсандағы жағдай бойынша 6 саяси партия тіркелген:
1. «AMANAT» партиясы;
2. «Ақ Жол» Қазақстанның демократиялық партиясы;
3. Қазақстан Халық партиясы;
4. «Ауыл» халықтық-демократиялық патриоттық партиясы;
5. «Жалпыұлттық социал-демократиялық партия»;
6. «Қазақстанның «Байтақ» жасылдар партиясы.
