Аймақ
«Academic Leadership Institute: Deans’ School» – Түркістанда айтулы жоба жалғасын тапты
Ясауи университетінде Назарбаев университетінің Жоғары білім беру мектебінің бастамасымен, оқу орнымыз бен ҚР Ғылым және жоғары білім министрлігі бірлесе ұйымдастырған «Academic Leadership Institute: Deans’ School» атты декандардың кәсіби дамуына арналған жаңа бағдарлама жалғасын тапты.
Түркістан, NEGE. Бұған дейін оқыту бағдарламасы 26-қыркүйек күні Астана қаласындағы Назарбаев Университетінің кампусында басталғаны хабарланған еді. Ал бүгінен бастап университетте «Academic Leadership Institute: Deans’ School» бағдарламасының – «Білім беруді цифрландыру», «Студенттердің жетістіктері», «Таланттарды басқару» модульдері өтеді.
Бағдарламаның мақсаты – қазақстандық жоғары оқу орындары көшбасшыларының кадрлық резервін дайындау. Тыңдаушыларда тұрақты өзгерістер жағдайында факультеттерді тиімді басқаруға, инновациялық тәсілдер мен технологияларды табысты біріктіруге, сондай-ақ этикалық практиканың жоғары стандарттарын қолдауға мүмкіндік беретін құзыреттерді дамыту да көзделеді.
Айта кетейік, оқу ордасына Қазақстанның педагогикалық, техникалық, ұлттық, медициналық және жекеменшік жоғары оқу орындарынан, сондай-ақ Қырғызстан университеттерінен іріктелген 80-нен аса қатысушы келді.