«Берсе – қолынан, бермесе – жолынан!»: Әбілхан Аманқұл келесі кезеңге жолдама алды

Алматы, NEGE. Әбілхан Аманқұл өзбекстандық боксшы Кахрамоновпен шаршы алаңға шықты.

Жекпе-жектің алғашқы раунды қарсыластың есебіне шешілді. Өйткені отандасымыз екінші нөмірде өнер көрсетті. Кахрамановқа төрешілер бірауыздан толық 10 ұпайды берді.

Екінші раундты Әбілхан қолға алып, қарсыласына жақсы соққыларын дарытты. Алаңдағы төреші нокдаун ашты.  Соңғы минутта өзбекстандық боксшы шарпап қалды. Осылайша екінші раундтағы есеп отандасымыздың пайдасына шешілді.   

Әбілхан шешуші раундта басымдық танытып, келесі кезеңге жолдама алды. 

Төрешілер шешім шығарғанға дейін бапкерлердің: «Берсе қолынан, бермесе жолынан», – деп боксшыны жігерлендірген сөздер айтқанын естіп қалдық.

Біздіңше, бокс федерациясының өкілдеріне халық сыны қатты батқан сыңайлы. Шаршы алаңда Әбілханның өзін-өзі ұстауы бөлек. Сенімді! Осы бетінен танбаса, қоржынымызға алтын түсуі әбден мүмкін.