Жаңалықтар 23:01, 27 Сәуір 2026

Абай облысындағы шахтада жұмысшы қаза тапты

Абай облысында KAZ Minerals компаниясына қарасты «Шығыстүстімет» ЖШС-нің Орлов шахтасында қайғылы жағдай болды.

Астана, NEGE. 2026 жылғы 27 сәуірде шахта ішінде тау жынысы опырылып, салдарынан бір жұмысшы көз жұмды. Тағы бір қызметкер жарақат алып, ауруханаға жеткізілді.

Компания мәліметінше, оқиғаның себептері мен мән-жайын анықтау үшін арнайы комиссия құрылып, жан-жақты тексеру басталған.

«KAZ Minerals тобы Директорлар кеңесінің төрағасы Олег Новачук оқиға орнына жол тартты», – делінген компания жариялаған хабарламада.

Компания қаза тапқан қызметкердің жақындарына көңіл айтып, оның отбасына қажетті көмек көрсетілетінін хабарлады. Сондай-ақ жарақат алған жұмысшыға да толық қолдау көрсетілмек.

Абай облысы шахта