Абай облысында ТЖМ қызметкерлері қар құрсауында қалған үш адамды құтқарды
112 пультіне Жарма ауданының Қалбатау ауылынан 57 шақырым қашықтықта, «Алматы-Өскемен» тас жолында жеңіл автокөліктің қар құрсауында қалып, адамдарды эвакуациялау қажеттігі туралы хабарлама келіп түсті.
Алматы, NEGE. Оқиға орнына Қалбатау ауылының құтқарушылары «Трэкол» жол талғамайтын көлігімен жедел жолға шықты.
Шақырту орнына келген құтқарушылар қар құрсауында қалған екі жеңіл автокөлікті анықтап, 1971, 1972 және 1963 жылы туған үш адамды эвакуациялады.
Құтқарылғандар қауіпсіз жерге – «Қызыл су» кафесіне жеткізілді.
Медициналық көмек ешкімге қажет болмады.