Абай облысында өртті ерте анықтайтын жүйе орнатылды
Абай облысындағы «Семей орманы» табиғи резерватында өртті ерте анықтайтын заманауи жүйе орнатылды.
Алматы, NEGE. Өрт мұнараларына қойылған 37 арнайы бейнебақылау камерасы арқылы 656 гектар жер назарда болады.
Құрылғы өрт тұтанса, түтінді дер кезінде байқап, бірден орталыққа ақпарат жібереді. Заманауи жүйе еліміздің барлық аймағындағы орман алқаптарында қолданылады. Бұл мақсатқа 37 млрд. теңге қаржы қарастырылып отыр. Бүгінде бейнебақылау камералары сынақ режимінде жұмыс істеп тұр. Мамандардың айтуынша, жүйе толық іске қосылса, өрт қауіпсіздігін қамтамасыз етуге үлкен септігін тигізбек.
