Абай облысында қоғамдық тәртіпті бұзып, балағат сөздер айтқан екі әйел жауапқа тартылды
Абай облыстық ПД желіде тараған видеоға қатысты пікір білдірді, деп жазды aikyn.kz.
Алматы, NEGE. Екі әйелдің қоғамдық орында өзгелерге құрметсіздік таныту арқылы қоғамдық тәртіпті бұзып, балағат сөздер айтқаны туралы видео тараған.
Полиция қызметкерлері келгеннен кейін әйелдер заңға қайшы әрекеттерді тоқтату және одан әрі қарау үшін полиция бөліміне бару туралы заңды талапты орындамай, тәртіп сақшыларына қызметтік міндеттерін орындау кезінде бағынбаған.
Қазіргі уақытта әйелдер ұсақ бұзақылық жасағаны және құқық қорғау органы қызметкерлерінің заңды бұйрығына немесе талабына бағынбағаны үшін әкімшілік жауапкершілікке тартылды. Материалдар іс жүргізу шешімін қабылдау үшін сотқа жіберіледі.
