«Абай жолы» жобасы жанданды
YouTube-тегі Massaget TV арнасында «Абай жолы» жобасының он екінші бөлімі шықты.
Алматы, NEGE. Жаңа тарауда Абайдың досы Михайловпен кездесуі айтылады. Олар болыс билеушілері арасындағы жемқорлық пен Ресейдегі революциялық қозғалыс туралы әңгімелеседі.
Сонымен қатар, Михайлов Абайға қазақ жастары не істеу керегі туралы кеңестерін бөліседі.
Жоба Ақпарат және қоғамдық даму министрлігінің қолдауымен Абай Құнанбаевтың 175 жылдығына орай жасалған.
Эпопеяның медиа нұсқасы әр дүйсенбі мен бейсенбі сайын YouTube-тегі Massaget TV арнасында жарияланады. Барлығы 28 ролик жоспарланған, олар жыл соңына дейін шығады.
