Абай шай ішкен самаурын: Ұлттық музей қоры құнды жәдігермен толықты
ҚР Мәдениет және спорт министрлігінің қолдауымен Абай күні мерекесіне орай Ұлттық музей қорына ұлы ақынның қолданған заты – «Тула» самаурынын табыстау рәсімі өтті.
Алматы, NEGE. 1893 жылы жасалған, тарихи құндылығы жоғары жәдігер Абай атындағы халықаралық мәдениет пен өнерді қолдау қоры атынан беріліп отыр. Бұл – Семей қаласындағы меценат Бекбай Баисовтың керуен сарайында тұрған, Абай Құнанбайұлы бастаған қазақ зиялылары шай ішкен самаурын.
ҚР Мәдениет және спорт вице-министрі Арман Жүдебаев Абайдың қазақ мәдениеті мен руханиятына қосқан айрықша үлесін айта келе, қазақтың бас ақыны атанған ұлы тұлғаның өмірі мен шығармашылығы әлі де толық зерттелмегенін атап өтті.
Қазіргі таңда Ұлттық музей қорында Абай Құнанбайұлына қатысты 42 жәдігер сақталған. Олардың арасында ақынның жеке пайдаланған құтысы, көзі тірісінде баспадан шыққан кітаптары және тағы басқа маңызды дүниелер бар
Қазір оқып жатыр
Азат Перуашев «Ақ жол» партиясының төрағасы қызметінен кететінін мәлімдеді
Сот «Шымбұлақ» шатқалына көліктің кіруін шектеу Конституцияға қайшы екенін анықтады
«Қазақмыс» жұмысшыларының талабын арнайы комиссия қарайтын болды
Тоқаев пара беруге уәде еткендерді де қылмыстық жауапқа тартуды көздейтін заңға қол қойды
