27 тамызға арналған еліміздегі ауа райы болжамы
Синоптиктер 27 тамызға арналған Қазақстан аумағындағы ауа райына қатысты жалпы болжаммен бөлісті
.
Алматы, NEGE. Синоптиктердің болжауынша, елімізде ауа райының тұрақсыз сипаты сақталады.
"ҚР басым бөлігінде атмосфералық фронтальды бөліктердің өтуіне байланысты ауа райының тұрақсыз сипаты сақталады, найзағай ойнап, нөсер жаңбыр жауады, қатты жел соғады, бұршақ түседі деп болжанады. Еліміздің солтүстігінде, орталығында, оңтүстігінде, оңтүстік-шығысында қатты жаңбыр жаууы мүмкін. ҚР солтүстігінде, солтүстік-батысында тұман түссе, оңтүстік-батысында шаңды дауыл тұрады",- деп хабарлады "Қазгидромет" РМК баспасөз қызметі.
Түркістан, Жамбыл, Қызылорда облыстары, Ақтөбе өңірінің орталығында, батысында, оңтүстігінде, Атырау облысының батысында, шығысында, Қостанай облысының оңтүстігінде, Маңғыстаудың солтүстігінде, шығысында, оңтүстік-шығысында төтенше өрт қаупі күтіледі.
Батыс Қазақстан облысының солтүстігінде, орталығында өрт қаупі жоғары, облыстың оңтүстік-батысында, солтүстік-батысында, шығысында төтенше өрт қаупі күтіледі.
Алматы облысының солтүстік жартысында төтенше өрт қаупі, облыстың оңтүстік жартысында жоғары өрт қаупі сақталады.
Жетісу облысында өрт қаупі жоғары, облыстың батысында төтенше өрт қаупі сақталады.
