Тоқаев: «Президент – әулие емес, халықтан биік тұлға емес»
Мемлекет басшысы Ұлттық құрылтайда басшылық құрамды жаңарту жұмысы жалғасатынын айтты.
Алматы, NEGE. «Басшылық құрамды жаңарту жұмысы жалғасын табады. Мемлекет басшысы ретінде айтарым, министрлердің, әкімдердің және басқа да мемлекеттік қызметшілердің бойында негізгі екі қасиет болуы керек. Бұл – профессионализм, яғни нағыз маман болу және отаншылдық.
Ал, олардың Президенттің жеке басына адалдығы мен үшін маңызды емес.
Мемлекет басшысын мадақтаудан гөрі жұмысты адал атқарып, халықтың алдында абыройлы болу әлдеқайда маңызды. Барлық мемлекеттік қызметшілерге осыны айтқым келеді.
Сондай-ақ, жасалған реформалардан кейін Қазақстан Президенті мемлекеттік басқарушы, яғни Конституцияда көрсетілген 7 жылдық мерзімге халықпен өзара келісімшартқа отыратын менеджер ретінде қызмет етеді.
Президент – әулие емес, халықтан биік тұлға емес», - деді Қ.Тоқаев.