«Күлейін бе, жылайын ба?!»:Баян Мақсатқызы Жанар Дұғалованың тойына қатысты (видео)
Күні кеше Астанада Жанар Дұғалованың тойы дүркіреп өтті. Қуанышқа Баян Мақсатқызы жары Тұрсын Алагөзовпен бірге барды.
Алматы, NEGE. Инстаграм парақшасындағы сторис бөлімінде той сәтінен бейнежазба жүктеген продюсер күйеуіне қарап: «Бүгін менің өмірімдегі ең ерекше күн. Себебі, менің тұрмысқа шыққан барлық тәлімгерлерімнің ішінде сен екеумізді шын жүрегімен қуанышына ортақтасуға шақырған Жанар Дұғалованың тойына келіп отырмын. Білмеймін, күлейін бе, жылайын ба?!»,- деп ағынан жарылды.
Продюсер жариялаған суреттер мен бейнежазбаны тамашалаған жұрт «Биыл сіздің қыздарыңыз дебют жасауда. Бәрі шетінен тұрмысқа шығып жатыр», «Бақытты болсын! Тек бұл Айдана мен Кәмшат сияқты оранып кетпесе екен», «Сізді Кәмшат шақырмады ма?», «Күйеу жігітті неге жасырады?»,- деп жазды.
Айта кетейік, Жанар Дұғалова осыдан біраз күн бұрын ұзатылған болатын. Әншіні өнердегі әпкесі Мәдина Сәдуақасова сыңсу айтып шығарып салды. Жанардың таңдауы Ілияс атты астананың тумасына түскен.
