Ақтөбеде Димаш Құдайбергеннің көлемді портреті пайда болдЫ
Ақтөбеде 18 метрлік мурал
Алматы, NEGE. 18 метрлік мурал орталық көшелердің біріндегі көпқабатты үй қабырғасына салынған. Бұл әлемді мойындатқан таланттың туған қаласындағы екінші бейнесі. Поп-арт жанрындағы туынды барлық 9 қабатты қамтыған. Жалпы шаһарда биыл мұндай 10 мурал бейнеленуі тиіс. Суретшілер «Оқушы қыз», «Бейбітшілік» сияқты тақырыптағы жұмыстарды аяқтаған. Жыл соңына дейін тағы жеті жаңа шығарма тұрғындар мен қала қонақтарының назарына ұсынылады. Айта кету керек, қаланы безендірудің бұл әдісі көпшіліктің көңілінен шыққан. Ақтөбеліктер, әсіресе, ескі аудандарға назар салып, ескірген үйлерге жаңа рең беру қажет дейді.