Мейрам Қажыкен ОСК-ның мемлекеттік тілді меңгергендігі туралы емтиханынан өтті
Президентке кандидаттар лингвистикалық комиссиядан өтіп жатыр.
Алматы, NEGE. Орталық сайлау комиссиясында Мейрам Қажыкеннің мемлекеттік тілді еркін меңгергендігін анықтау бойынша лингвистикалық комиссияның отырысы өтті, деп хабарлайды «Хабар 24». Емтихан барлық үш кезең бойынша өтті: Тақырып бойынша, жазбаша тапсырма жазу, мәтін оқу және кандидат таңдаған тақырып бойынша көпшілік алдында кемінде 15 минут сөз сөйлеу. Емтихан қорытындысы бойынша лингвистикалық комиссия Қазақстан Республикасының Президенттігіне кандидат Мейрам Қажыкеннің мемлекеттік тілді еркін меңгергендігі туралы ашық дауыспен шешім қабылдады.