Нұр-Сұлтанда боран: 724 адам құтқарылып, 425 көлік шығарылды
Өткен тәулікте еліміздің тас жолдарында 425 көлік қар құрсауынан шығарылды.
Алматы, NEGE. Өткен тәулікте еліміздің тас жолдарында 425 көлік қар құрсауынан шығарылып, 724 адам құтқарылды. Оның 111-і – бала. Бұл туралы Төтенша жағдайлар министрлігі хабарлап отыр. Дәл қазір ауа райының қолайсыздығына байланысты Ақмола, Қарағанды және Шығыс Қазақстан облыстарындағы республикалық және облыстық маңызы бар жолдардың он шақты жол учаскесі жабық тұр. Ал Павлодар өңіріндегі жолдар тазартылып, ашылуға дайын.
