Қазақстан-Германия 30 экономикалық құжатқа қол қойды
Қазақстан Президентінің Германияға сапары барысында жалпы құны 2,4 млрд долларды құрайтын отыз экономикалық құжатқа қол қойылды.
Алматы, NEGE. Бұл туралы Kazakh Invest ұлттық компаниясының басқарма төрағасы Бауыржан Сартбаев қол қою рәсімнен кейін журналистерге айтып берді.
«Мемлекет басшысының Германияға ресми сапары аясында жалпы құны 2,4 млрд доллар отыз экономикалық құжатқа қол қойылды. Оның ішінде қайта өңдеу және машина жасау секілді салалар бар», – деді Б.Сартбаев.
«Олардың басым бөлігі өзара байланысты және жоғары қосымша құны бар өнім өндіреді», – деп атап өтті Kazakh Invest ұлттық компаниясының басқарма төрағасы.
«Сондай-ақ бүгін қол қойылған басты құжаттардың бірі – Kazakh Invest пен Герман экономикасының шығыс комитеті арасында инвестиция саласындағы ынтымақтастықты нығайту жөніндегі бірлескен жоспар. Ол салалардың басым бағытын және нақты ынтымақтастық жобаларын анықтайды», – деп тоқталды ол.
Бір айта кетерлігі, 2005-2018 жылдары Германия Қазақстан аумағына 15 млрд АҚШ доллары көлемінде инвестиция салған.
