«9-20-25» ипотекалық бағдарламасы қашан іске қосылады?
Қазақстанда «9-20-25» ипотекалық бағдарламасының қашан іске қосылатыны белгілі болды.
Алматы, NEGE. Жаңа бағдарлама бір айда дайын болады. Оны келесі жылдан бастап енгізу жоспарланып отыр.
«Халықтың тарапынан қолдау тапқан бағдарлама - «7-20-25». Бірақ оны іске асыру үшін қаражат керек. Ұлттық банк өз лимитін қойды. Ал бұл лимит сұранысты қанағаттандыруға жеткіліксіз. Енді Ұлттық банк осындай шектеу қойғасын біз, Отбасы банкі мен «Бәйтерек» ұлттық холдингі қазір өзіміздің қосымша тағы бір бағдарламаны әзірлеп жатырмыз. Ол - «9-20-25" бағдарламасы: 9 пайыз 25 жылға (алғашқы жарна - 20 пайыз)», - деді Әлихан Смайылов.
Бұл бағдарлама бойынша жыл сайын 8 мың отбасы жалпы сомасы 150 млрд теңгеге ипотека ала алады.
«Бағдарламаны іске қосу үшін бізге кем дегенде 1 ай уақыт керек. Келесі жылы бағдарлама болады», - деді Әлихан Смайылов.
