8 миллионға жуық адам 42 500-ге өтінім берген
Бұл туралы Еңбек және халықты әлеуметтік қорғау вице-министрі Ақмади Сарбасов онлайн дөңгелек үстел басында айтты.
Алматы, NEGE. «Қазіргі таңда қоғамдағы өзекті мәселелердің бірі - "42 500 теңге" болып отырғанын анық көріп отырмыз. Осындай қысқа мерзім ішінде көрсетілген ақпараттық жүйелер арқылы 8 миллионға жуық қазақстандық өтінім беріп үлгерді. Оның ішінде 3 млн адамға әлеуметтік төлем тағайындалды. Бұл жұмыстар әлі де қарқынды жүргізіліп жатыр. Бұрынғыдай банктерді торуылдаған халық азайды. Барлығы үйлерінде онлайн түрде өтінім беріп жатыр», – дейді Ақмади Сарбасов.