8 баннерден есірткі жарнамасы анықталды
Қазақстанда 8 баннерден нашақорлықты насихаттаған жасырын жарнама анықталды, – деп хабарлайды ҚР ІІМ баспасөз қызметі.
Алматы, NEGE. «Ақпараттық-коммуникациялық жүйенің жылдам дамуына байланысты интернет-ресурстарда нашақорлықты насихаттау деректері көбейді. ІІМ-нің есірткіге қарсы күрес жөніндегі арнайы мониторинг тобы жыл басынан бері есірткі саудалаған 5 мың интернет сайтын анықтап, бұғаттады. Ал 19 қараша күні әлеуметтік желіде жария етілгендей, қалаларда QR-коды бар бірқатар баннердің ілінгені белгілі болды. Нәтижесінде 8 баннер жасырын түрде есірткіні насихаттаған. Бұлар жарнама компаниясының тапсырысы бойынша орнатылған. Ведомства мәлім еткендей, қазір жауапкершілікке тарту шарасы қолға алынуда.
Сондай-ақ, Нұр-Сұлтан қалалық Полиция департаменті баспасөз қызметі 19 қарашада қаланың үш көшесінде есірткі саудасын үгіттеген билборд анықталғанын мәлімдеді. «Осы дерек негізінде ҚР Қылмыстық кодексінің 297 бабы бойынша сотқа дейінгі тергеу амалдары жүргізілуде.
