8 мамырда Қызылорда облысының жаңа әкімі тағайындалады
8 мамыр күні Қызылордада мәслихат депутаттарының жиналысы өтеді. Онда облыс әкімін тағайындау мәселесі қаралады.
Астана, NEGE. Алдағы жиын туралы ақпарат облыстық мәслихат аппаратының ресми сайтында жарияланды. Хабарламаға сәйкес, депутаттардың кездесуі сағат 09:00-де басталады. Қатысушыларды тіркеу 08:00-ден басталады.
Рәсім 2022 жылғы 8 маусымдағы №912 Президент жарлығы аясында өткізіледі. Құжат облыстардың, республикалық маңызы бар қалалардың және астананың әкімдерін тағайындауға мәслихат депутаттарының келісім беру тәртібін реттейді.
Айта кетейік, облыстың алдыңғы әкімі Нұрлыбек Нәлібаев 6 мамыр күні Президент жарлығымен Роман Склярдің орнына премьер-министрдің бірінші орынбасары болып тағайындалды. Ол өңірді 2022 жылдың сәуірінен бері басқарып келген.
