7 өңірде ауа райы бұзылады
Қазақстанның 7 өңірінде ескерту жарияланды, деп хабарлайды «Қазгидромет».
Алматы, NEGE. 6 мамырда Шымкент қаласында найзағай ойнап, дауыл соқса, Алматы облысының кей жерлерінде желдің екпіні 15-20 м/с жетеді. Бүгін Атырау және Батыс Қазақстан облыстарының кей жерлерінде найзағай ойнайды. Желдің жылдамдығы – 15-20 м/с. Маңғыстау облысының кей жерлерінде найзағай ойнап, шаңды дауыл соғады, желдің екпіні – 15-20 м/с. Қызылорда облысында 15-20 м/с жылдамдықпен жел соғады. Түркістан облысында қатты жаңбыр жауады, кей жерлерде найзағай ойнап, дауыл соғады, бұршақ түсіп, желдің жылдамдығы 15-20 м/с-ке дейін жетеді. Төтенше жағдайлар комитеті азаматтарды ауа райы болжамын назарда ұстауға шақырады.
