Шағын арба жетектеген атайды жолда кездескендер жапатармағай фотоға түсіріп, сәт сапар тілеген сәтін ғаламтордан көруге болады. Суық жел, аптап ыстыққа қарамастан бүгінде мұратына жеткен қария туған жеріне ұшақпен оралды. Ақтауға аман-есен келген қарт жиһангез теңіздің тұзды ауасын жұтып, жағажаймен жүріп өтті. Бұдан соң қаланың көрнекті жерінде күтіп тұрған ақтаулық жастармен кездесті. Айтуынша, күніне 40 шақырым жүрген. Осылайша, Ұлытаудан Маңғыстауға дейін 8 мың километр қашықтықты жаяу еңсерген.