6 қазанда Халық партиясы, Ақ жол және Aманат партиясының съездері өтеді
Қазақстан парламентінде ұсынылған үш саяси партия съездерінің күндері белгіленді. 6 қазан күні Астанада үш партияның съезі өтеді.
Алматы, NEGE. Кезектен тыс съезді өткізу туралы шешімді алғашқы болып Қазақстан халық партиясы жариялады.
Партия бюросы 2022 жылғы 6 қазанда Астанада XXI кезектен тыс партия съезін өткізу туралы шешім қабылдады.
"Партия съезінің жұмысына еліміздің барлық өңірлерінен делегаттар қатысады. Орталық аппарат партия филиалдарымен бірлесіп, дайындық шараларын бастады", - деп атап өтті саяси бірлестік өкілдері.
"Ақ жол" демократиялық партиясы да шешім қабылдап, осы күнді белгіледі.
Партияның ұлттық кеңесінің алқасы "Ақ жол" съезі биылғы жылдың 6 қазанында өтетінін хабарлады.
Аманат билеуші партиясының өкілдері де кезектен тыс съезд күнін бейсенбі, 6 қазан деп белгілеген.
Аталған үш партияның депутаттары парламент мәжілісінде өкілдік етеді.