64 жастағы маңғыстаулық тұрғын Олимпиаданы көру үшін Францияға велосипедпен жетті
Маңғыстаулық азамат Рәббім Борашев велосипедпен 5000 км жолды артқа тастап, Франция астанасы Парижге жетті.
Алматы, NEGE. Қазақстанның Франциядағы Елшілігі отандасымыз, велосипедші Рәббім Борашев пен оның жұбайының Париждегі Триумф аркада салтанатты кездесу рәсімін ұйымдастырды. Маңғыстау облысының тумасы өзінің саяхатын 2024 жылдың мамыр айында бастап, бүгін Олимпиада ойындары қарсаңында Парижге жетті.
Іс-шараға Францияда тұратын, Қазақстаннан келген туристер, сондай-ақ қазақ диаспорасының өкілдері мен француз азаматтары қатысты.
Р.Борашев веложарыс, жеті елдің дәстүрлері мен тұрмысымен танысу туралы жарқын әсерлерімен бөлісті, сондай-ақ біздің елімізді абыроймен таныстырды. Велошабандоздың айтуынша, 5 мың шақырымды еңсере отырып, ол қазақстандық спортшыларды қолдау мақсатында халықаралық спорттық іс-шара кезінде Парижге бару туралы өзінің көптен бергі арманын орындады.
