607 ауыл интернетке қосылды
Орталық коммуникациялар қызметінде төтенше жағдай кезінде интернет желісінің жұмысы туралы айтылды.
Алматы, NEGE. ҚР Цифрлық даму, инновациялар және аэроғарыш өнеркәсібі вице-министрі Дарын Тұяқов, Қазақтелеком" АҚ басқармасының төрағасы Қуаныш Есеккев мырза мән-жайды баяндап берді.
"Төтенше жағдай кезінде интернет ең қажетті құрал. Сондықтан халық арасында интернеттің сапасы жайында көптеген мәселе туындауда. Осы салада еңбек етіп жүрген байланыс операторларымен бірге интернеттің жағдайы жайында айтпақпыз. Біздің министрлік мемлекеттік орган ретінде негізгі міндеті - әрбір қазақстандықты жоғары сапалы интернетке қосу мүмкіндігін қамтамасыз ету. Біз бірқатар жобаны іске асырдық. Қолданыстағы "Байланыс туралы" заңға сәйкес, байланыс операторлары өз қаражаты есебінен байланыс жүйесін салу мен дамытуды іске асыруда. Бұл жұмыс 2018 жылы басталып, екі жылда көп жұмыс атқарылды. Екі жоба бар. 1200 ауылды интетнет желісіне қосу жұмысы 50 пайызға орындалып, 607 ауыл қосылды. Қалған 643 ауыл жыл аяғына дейін интернетке қосылады. Байланыс саласы басшыларына алғыс білдіргім келеді" деді ҚР Цифрлық даму, инновациялар және аэроғарыш өнеркәсібі вице-министрі Дарын Тұяқов.
Сондай-ақ, ол Қазақстанның интернет сапасының әлсіздігі жөнінде әлем бойынша алдыңғы бестікке кіретінін айтты. Жылдың соңына дейін Қазақстанның 900-ден астам ауылына жылдамдығы жоғары интернет келеді деді.
