5 жасар бала көпқабатты үйдің терезесінен құлап кетті

Алматы, NEGE. 8 тамыз күні кешкі 22.30 шамасында әл-Фараби ауданы Терешкова көшесіндегі 5 қабатты тұрғын үйде ересектердің қарауынсыз қалған 2016 жылы туған бала екінші қабаттағы пәтердің терезесінен құлап, ауруханаға жатқызылған. Жағдайы - орташа ауыр. Шымкент қалалық полиция департаментінің мәліметіне сенсек, есепті кезеңде қалада 3 бала осылай көпқабатты үйдің терезесінен құлаған. Оның ішінде бір бала қайтыс болды, қалған екеуі жарақат алып, ауруханаға түскен. Өткен жылмен салыстырғанда осы кезеңде терезеден құлауға байланысты жазатайым оқиғалар санының өскені байқалады. Полицейлер ата-аналарға барынша мұқият болып, балаларды қараусыз қалдырмау керектігін еске салады.

Балалардың терезеден құлауының алдын алу үшін мына ережелерді сақтау керек:

- Терезені ашық қалдырмау керек, өйткені бір секундқа болсын алаңдап қалу баланың өміріндегі соңғы сәт немесе мәңгі жазым болып қалуы мүмкін.

- Терезе торын тиісті қорғаусыз қолдануға болмайды. Бала алдында белгілі бір кедергіні көреді және ол оған сенімді сүйенеді, ал оның салдарынан бүлдіршін бір жасар баланың да салмағын көтере алмайтын тормен бірге құлап түсуі мүмкін.

- Баланы терезенің жанында ойнап отырған кезінде қараусыз қалдыруға болмайды.