5 мыңнан аса қыз бала адам папилломасы вирусына қарсы екпе қабылдаған
Денсаулық сақтау министрлігінің мәліметінше, Қазақстанда 57 мыңнан астам қыз бала АПВ-ға қарсы вакцина алған. Ал, Шымкентте 5,3 мың қыз баланың ата-аналары екпе салуға келісім берген.
Шымкент, NEGE. Денсаулық сақтау министрлігі бір айдағы статистиканы жоғары көрсеткіш ретінде бағалап отыр. Дегенмен, елімізде жатыр мойны обырынан болатын өлім статистикасын азайту үшін әлі де ауыл-аймақтарда хабарландыру жұмыстарын тоқтатпаған жөн. Жыл сайын әйелдердің қатерлі ісіктен қайтыс болуының 7,5% себебі, осы аурудың таралуында. Вирус қауіпті. Ол адам ағзасында бірден таралып, жасушалардың қатерлі ісігінің қоздырғышына айналады.