42 500 теңге алғандарға несие берілмей ме?
Қаржы вице-министрі Берік Шолпанқұлов 42 500 теңгені алғаннан кейін банктерден кредит ала алмай жүрген қазақстандықтарға кеңес берді.
Aлматы, NEGE. "Қаржы нарығын реттеу және дамыту агенттігі қабылдаған нормативтік-құқықтық актіге сәйкес, 42 500 теңгенің төлемдері мемлекеттік әлеуметтік сақтандыру қорынан төленді және адамның кредиттік тарихын бұзуға негіз бола алмайды. Сондықтан банк осы себепке байланысты кредит беруден бас тартса, кез келген адам құзіретті органға шағым түсіре алады", - деді Шолпанқұлов бүгінгі онлайн брифингте.
Төтенше жағдай кезінде 8 миллионнан астам адам 42 500 теңгеге өтініш жолдап, 4 миллион 607 мың адам қаржылай көмек алды.