42 градусқа дейін көтеріледі: Алдағы үш күнге арналған ауа райы болжамы жарияланды
«Қазгидромет» РМК синоптиктері 2025 жылғы 22, 23 және 24 шілдеге арналған республика бойынша ауа райы болжамын ұсынды.
Алматы, NEGE. Мамандардың айтуынша, республиканың оңтүстігінде термометр 42°C дейін көтеріледі.
Республиканың батысында, солтүстігінде және шығысында жаңбыр жауып, найзағай ойнайды.
22 және 24 шілдеде еліміздің батысында қатты жаңбыр жауады. Күндіз бұршақ жаууы мүмкін. Қалған аумақта жауын-шашынсыз, күн ысиды. Республикада жел күшейеді, оңтүстікте және оңтүстік-батыста шаңды дауыл соғады.
Сондай-ақ республиканың солтүстігі мен шығысында түнде және таңертең тұманды болады.
22-23 шілдеде күндіз Ақтөбе облысының оңтүстігінде 40°C қатты ыстық күтілуде. Батыста, солтүстікте, Алматы облысының орталығында ауа температурасы 42°С-қа жетеді.
Күндіз республиканың батысында 35-39°С қатты ыстық болады. Оңтүстік-батыста – 38-42°С ыстық. 24 шілдеде Қостанай облысының оңтүстігінде – 35°С, орталық аймақтарда – 35-38°С, республиканың оңтүстігінде – 40-42°С, оңтүстік-шығыста – 35-39°С.
