«40-42 градус ыстық»: демалыс күндеріне арналған ауа райы болжамы
Қазақстанның оңтүстік-шығысында қатты ыстық күтіледі.
Алматы, NEGE. «Қазгидромет» РМК синоптиктері 5-7 тамыз айына арналған ауа райы болжамын жариялады.
Таяу күндері Қазақстан аумағында атмосфералық фронтальды бөлімдердің ықпалымен жаңбыр мен найзағаймен ауа райының тұрақсыз сипаты сақталады; республиканың солтүстігінде, орталығында, шығысында, оңтүстік-шығысында қатты жаңбыр, екпінді жел, бұршақ және дауыл күтіледі. Республика бойынша жел күшейеді.
Елдің батыс аймақтарында әлі де жоғары қысым ықпалымен жауын-шашынсыз ауа райы болады.
Қазақстанның басым бөлігінде температура біртіндеп төмендейді.
Алайда, 5-6 тамызда күндіз Қазақстанның оңтүстік-шығысында 40-42 градус өте қатты ыстық болады.