Ақтөбелік депутат тойдағы әрекетінің ерсі көрінгенін мойындады
Желіде Ақтөбеде болған тойлардың бірінде қонақ жігіттің беташар табағына бума-бума ақша лақтырғаны қызу талқыланды. Ол барлығы 4 млн теңге салған. Видео астындағы пікірлерде қалталы қонақтың жергілікті мәслихат депутаты және кәсіпкер Аслан Қайырғалиев екені айтылды.
Астана, NEGE. Көп ұзамай бұл жайтқа депутаттың өзі пікір білдірді. Оның айтуынша, бұл видео бала кезден бірге өскен досының тойында түсірілген, өзі сол тойда жігіт жолдас болған. Ал 4 млн теңгені күйеу жігіттің достары бірлесіп жинап берген. Тойда сол ақшаны барша досының атынан тарту еткен. Бұған қоса, депутат ақшаны бумалап шашқаны көзге оғаш көрінгенін мойындады.
«Бұл менің өз қаражатым емес. Сондай-ақ тойдағы іс-әрекетім, яғни ақшаны санау сәті көзге оғаш көрінгенін енді түсініп отырмын. Ешқандай да мақтану немесе назар аударту ниетім болған емес, жай ғана досымның тойындағы қуанышты сәт қана болатын. Қоғам алдында жүрген азамат ретінде айтылған сын-пікірлерді толықтай қабылдаймын», – дейді Аслан Қайырғалиев.
Депутат алдағы уақытта мұндай әрекеттерге жол бермеуге уәде етті.
Қазір оқып жатыр
ҰҚК әзілкеш Нұрлан Сабуровқа қатысты жүргізілген тексеру нәтижесін жариялады
Дүниежүзілік көшпенділер ойындарына жауапты болған Наиль Нұров қамауға алынды
Астананың жылу, электр және су желілері 4,5 млрд теңгеден астам қаржыға жаңартылмақ
«Челсиге» ауысатын Дастан Сәтпаев 17 маусымда «Қайрат» сапындағы соңғы матчын өткізеді
