4 қабаттан секірмек болған әйелді полиция құтқарды
25 сәуір түнінде Оралда полицейлердің жедел әрі кәсіби әрекетінің арқасында әйел адам өзіне қол жұмсап, көпқабатты үйдің төртінші қабатынан секірмек болғанда құтқарылды, деп хабарлайды POLISIA.KZ.
Алматы, NEGE. Кердері көшесінде орналасқан көпқабатты үйдің төртінші қабатында секіру әрекетін жасауға талпынған әйелдің өмірін полиция қызметкерлері құтқарып қалды. Полиция капитаны Райымбек Газезов төменде қалып, әйелмен сөйлесіп, оның назарын басқа жаққа аудара отырып, полиция қызметкерлеріне қажетті әрекеттерді үйлестірді. Полиция капитаны Берік Сиязбаев, полиция лейтенанты Фархат Ғалиев және полиция аға лейтенанты Мирас Каримуллин үшінші қабат арқылы көтеріліп, әйелге дер кезінде көмек көрсетті. Олар балкон арқылы төртінші қабатқа өтіп, әйелді ұстап, қайғылы жағдайдың алдын алды.
Бұл оқиға полиция қызметкерлерінің батылдығы мен кәсібилігінің үлгісі болып табылады. Олардың әрекеттері адам өмірін сақтап қалуға мүмкіндік берді, тұрғындар тарапынан жоғары бағаланды.