387 қазақстандық азамат шетелдіктердің жұмыс күшін заңсыз пайдаланғаны үшін жауапқа тартылды
Көші-қон саласындағы құқық бұзушылықтардың алдын алу мақсатында 3 маусымнан бастап елімізде арнайы операция жүргізіліп жатыр, деп хабарлайды Polisia.kz.
Алматы, NEGE. Операцияның үш күнінде көші-қон заңнамасын бұзудың 5,5 мыңға жуық дерегі тіркелді. Оның ішінде шетелдіктердің елде болу мерзімдерін бұзу, елден шығудан жалтару және заңсыз жұмыс істеу бойынша құқық бұзушылықтар бар.
Осы саладағы құқық бұзушылықтар шетелдік жұмысшылар тарапынан да, жергілікті жұмыс берушілер тарапынан да жасалған. Шетелдік жұмыс күшін заңсыз пайдаланғаны үшін 387 қазақстандық жұмыс беруші жауапқа тартылды. Негізінен жұмыс берушілер жұмысқа алу бойынша рұқсатты рәсімдеуден жалтарады, ал жұмысшыға құқық бұзушылықтар туралы хабарланбайды.
Мұндай фактілердің басым бөлігі Алматы, Астана, Шымкент қалаларында және Маңғыстау облысында анықталды.