Шымкентке ұшақтар ұшпайтын болды
Бұл тұманға байланысты екендігі айтылады. Аталған рейстердің жолаушылары басқа рейстерге қайта тапсырыс бере алады немесе билетті сатып алған жеріне қайтара алады.
Алматы, NEGE. «Эйр Астана» тұман мен ауа-райының қолайсыздығына байланысты Алматы мен Нұр-Сұлтаннан Шымкентке қатынайтын рейстердің тоқтатылатынын ескертті, деп хабарлайды zakon.kz.
Шымкент қаласының әуежайында қолайсыз ауа-райы жағдайларына (тұман, көріну деңгейі өте төмен) және жағымсыз ауа-райы болжамына байланысты бүгінгі рейстер – KC971 / 972 Алматы-Шымкент-Алматы, KC 341/342 Нұр-Сұлтан-Шымкент-Нұр-Сұлтан және қосымша рейстер KC9710 / 9720 «Алматы-Шымкент-Алматы» тоқтатылып, ұшақтар ұшпайды. Аталған рейстердің жолаушылары басқа рейстерге қайта тапсырыс бере алады немесе билетті сатып алған жеріне қайтара алады, деп атап өтті әуе компаниясындағылар.
