Дүние
285 тәжік азаматы дәрігер бақылауында
Қытайдан оралған тәжіктердің арасында коронавирус жұқтырғандар жоқ. Бұл туралы Тәжікстан денсаулық сақтау министрінің орынбасары Мирхамуддин Камолзода мәлімдеді.
Алматы, NEGE. «Министрлік азаматтарға карантин ұйымдастырды. Олар мұнда 14 күн болады. Карантин кезінде туыстармен кездесуге тыйым салынады» деп түсіндірді Мирхамуддин Камолзода. Душанбе әуежайында жолаушыларды бақылау күшейді. Тәжікстан билігі Қытаймен байланысты уақытша тоқтатқанын мәлімдеген еді. Дүниежүзілік денсаулық сақтау ұйымы 30 қаңтарда төтенше отырыста коронавирустың таралуын төтенше жағдай жариялады.