25 қаңтардан бастап пойыздарда интернет қосылады
Ертеңнен бастап заманауи спутниктік технологиялар арқылы пойыздарда интернет қосылатын болды. Бұл қызмет әзірге №3/4 «Астана-Алматы» пойызында қолжетімді, деп хабарлады «Жолаушылар тасымалы» АҚ баспасөз қызметі.
Алматы, NEGE. Пилоттық жоба шеңберінде енді жолаушыларға WhatsApp, YouTube секілді қосымшаларды еркін пайдалануға және видео көруге мүмкіндік береді.
Алайда файлдарды жүктеу сайттарына шектеу қойылады.
Сондай-ақ, билетті жылдам тексеруге арналған жолсеріктердің мобильді құрылғысы, вагондағы жағдайды бақылау үшін бейнебақылау жүйесі сынды бірқатар заманауи технологияны сынақтан өткізу көзделіп отыр.