-20°C: Алдағы күндері аяз болады
Қазгидромет мамандары Қазақстан бойынша 15-17 қарашаға арналған ауа райы болжамын жариялады.
Алматы, NEGE. "Алдағы тәуліктерде елдің солтүстігінде, орталығында, оңтүстігінде қатты жауын-шашын (жаңбыр, қар) болжанады. Республика бойынша бұрқасын, көктайғақ, тұман, қатты екпінді жел 15-28 м/с жылдамдықпен соғады. Аптаның соңында Солтүстік-батыс антициклонының енуімен жауын-шашынның тоқтауы және температура фоны төмендейді деп күтілуде. Ауа температурасы түнде солтүстік, солтүстік-батыс, шығыс және орталықта 10-20 градус аязға, ал оңтүстік, оңтүстік-шығыста 2-10 аяз, таулы аймақтарда 10-15 градус аяз болады", - делінген хабарламада.