2025 жылғы 1 қаңтардан бастап медициналық кітапша электрондық нысанда беріледі
Бұл туралы ҚР денсаулық сақтау вице-министрі Ербол Оспанов ОКҚ алаңында мәлімдеді.
Алматы, NEGE. «Жеке медициналық кітапша – жеке кәсіпкерлердің жұмысы барысында қоғамдық тамақтандыру, білім беру, денсаулық сақтау, т.б. қызметкерлерге қойылатын талап. Оны өту үшін қызметкерлер медициналық ұйымға барып, зерттеулерден өтеді. Ал азамат 2-3 жерде жұмыс істесе, ол 2-3 кітапша рәсімдейді. Бұл ақылы қызмет. Осыны ескере отырып, бұл мәселені жою үшін оны цифрлық форматқа ауыстырдық. Заң бойынша техникалық дайындығымыз бар. 1 қаңтардан бастап жеке медициналық кітап цифрлық форматқа ауысады», - деді ҚР денсаулық сақтау вице-министрі Ербол Оспанов.
Оның мәліметінше, жыл сайын 1,6 млн жуық азамат кітапшаны рәсімдеп отырады.
