2025 жылдың 9 айында Қазақстанда 75,7 млн тонна мұнай және газ конденсаты өндірілді – Энергетика министрлігі
Энергетика министрі Ерлан Ақкенженов Үкімет отырысында отын-энергетикалық кешеннің 2025 жылғы қаңтар-қыркүйек айларындағы жағдайы туралы баяндады.
Алматы, NEGE. Ол есепті кезеңде мұнай және газ конденсатын өндіру көлемі 75,7 млн тонна құрағанын немесе өткен жылдың сәйкес кезеңімен салыстырғанда 113,2% болғанын атап өтті. Осы жылға жоспар – 96,2 млн тонна.
9 айдағы мұнай экспорты – 60,5 млн тонна немесе өткен жылдың сәйкес кезеңіне қарағанда 114,9%. 2025 жылғы жоспар – 70,5 млн. тонна.
«Қаңтар-қыркүйек айларының қорытындысы бойынша 11,6 млн тонна мұнай өнімдері өндірілді немесе өткен жылдың сәйкес кезеңімен салыстырғанда 110,1% болды. 2025 жылдың қорытындысы бойынша 13,7 млн тонна мұнай өнімдерін өндіру жоспарланған. Бұл 2024 жылғы көрсеткіштің 100,7%-ы»,
— деді Ерлан Ақкенженов.