2024 жылы Қытайдан елімізге 655 мың турист келген
Бұл 2023 жылмен салыстырғанда 78%-ға көп, деді ҚР ТСМ Туризм индустриясы комитетінің төрағасы Нұртас Кәріпбаев Орталық коммуникациялар қызметінің алаңында өткен брифингте.
Алматы, NEGE. Оның айтуынша, туризм жылы аясында өңірлер, туркомпаниялар, агенттіктер мен медиа платформалар арасында 200-ден астам келісімге қол қойылды.
«Іс-шаралар ақпараттық алаңда да кеңінен көрініс тапты. 1,3 млрд-тан астам аудиториясы бар қытайлық ірі медиа мен әлеуметтік желілерде Қазақстан туралы хабар таратылды. Бұл еліміздің туристік бағыт ретінде танылуын айтарлықтай арттыруға мүмкіндік берді», - деді спикер ОКҚ баспасөз конференциясында.
Ресми түрде 2025 жыл Қытайдың Қазақстандағы туризм жылы болып жарияланды.
