2022-2023 жаңа оқу жылында оқушылар қалай демалады?
Қазақстанда оқу жылының мерзімі екі аптаға ұзартылды. Мектеп оқушыларының демалысы қысқартылды.
Алматы, NEGE. Жаңа 2022-2023 оқу жылы дәстүрлі түрде 1 қыркүйекте басталады.
1-сыныптарда оқу жылының ұзақтығы 35 оқу аптасын, 2-11 (12) сыныптарда 36 оқу аптасын құрайды.
Оқу жылындағы демалыс күндері:
1-11 (12) сыныптарда:
күз – 7 күн (2022 жылдың 31 қазанынан 6 қарашасын қоса алғанда);
қыс – 9 күн (2022 жылғы 31 желтоқсаннан 2023 жылғы 8 қаңтарды қоса алғанда);
көктемгі – 9 күн (2023 жылғы 18 наурыздан 26 наурызды қоса алғанда).
1-сыныпта қосымша демалыстар белгіленеді – 7 күн (2023 жылғы 6 ақпаннан 12 ақпанды қоса алғанда).
Бұрын 1-сыныптарда оқу жылының ұзақтығы 33 оқу аптасын, 2-11 (12) сыныптарда 34 оқу аптасын құраған.